Gullspretten
Gullfjellet rett opp

Sjå gjerne løypevideo og Strava-segment for å kjenna traseen.

• 09:30–11:00Startnummer og etteranmelding
• 10:00–11:30Start trimklasse (fleksistart)
• 12:00Start konkurranseklasse
• 12:35Første løpar i mål
• ~12:00Sal av bollar, kaker, saft og kaffi ved hoppbakken
• 12:00–14:00Prøvehopping for alle som vil, store og små. Mogleg å låna utstyr!
• ~13:30Hopprenn i regi av Gullfjellet IL
• 14:30Påmelding «Minigullet» for borna (lite terrengløp med avslutning opp unnarennet)
• 15:00Start Minigullet
• ~15:20Premieutdeling for alle

Klassar: Konkurranse – fellesstart med tidtaking. Trim med eller utan tid – fleksistart. Trim kort – same oppleving, mål etter ca 3 km, ikkje tidtaking.

Påmelding er open til og med søndag 23. august kl 11:00. Etteranmelding går fint på løpsdagen, men det hjelper oss om mange melder seg på i god tid.

• Konkurranseklassekr 200,– (kr 300,– frå 1. juli)
• Trim med eller utan tidkr 100,–, maks 300,– per familie
• Trim kortkr 100,–, maks 300,– per familie

• Dei 250 fyrste påmelde: eksklusiv gullmedalje på toppen. Medalje til alle som fullfører, både trim og konkurranse.
• T-skjorte med Gullspretten-logo for dei som bestiller ved påmelding.
• Premiar til topp 3 i kvar klasse: K/M 11–12, 13–14, 15–17, 18–19, 20–39, 40–49, 50–59, 60–69, 70–79, 80+.
• 1000 kroner til beste jente og gut under 18 år. Premie til beste herre og kvinne totalt.
• Alle påmelde er med i uttrekkspremiar. Du må vera til stades under premieutdelinga; elles blir premien trekt på nytt.

Alle skal ha sekk eller løpevest med minst vind- og vasstett jakke. Ikkje krav til sekkevekt. Sjølvberging – ta med kle og mat som passar vêret. Viktig med tørt ullskift og vind-/vassbukse når det er meldt dårleg vêr. Gentleman gjeld: treng nokon hjelp, stoppar me og sørgjer for kvarandre.

Dei fleste bruker omtrent 1,5–2,5 timar opp. Start tidleg om du trur du går lenger enn tre timar. Ingen faste kleskrav, men vind- og vasstett jakke (og gjerne bukse) etter forholda. Fjellsko gjev meir grep på våt myr. Utover ei drikkestasjon (saft og vatn) ved varde 11, «Lillegullet», om lag halvvegs, får du ikkje servert mat i løypa – ha med niste og noko å drikka.

Turskildring på ut.no.

Parkering ved den gamle turistheimen på Gullbotn. Vis omsyn slik at alle får plass, og ikkje stå nokon inne. Stadion, start og påmelding er ved hoppbakken – ca 500 meter frå parkering, skilta og merka.