Symjing

Samnanger Idrettslag symjing tilbyr symjeopplæring i samsvar med Norges Svømmeskole sin plan. Nybyrjarkursa er bygde rundt vasstilvenning og dei fire kjernefunksjonane som er sentrale for å læra å symja: dykke, flyte, gli og framdrift.

Det skal vera ein naturleg overgang frå eit nivå til eit høgare nivå. Nivåa byggjer vidare på kvarandre.

Symjedyktig er ein ifølgje Norges Svømmeforbund når ein kan: «Falla uti på djupt vatn, symja 100 meter på magen og undervegs plukka opp ein gjenstand med hendene, stoppa og kvila – flyta på mage, rulla over, flyta på rygg – samla i 3 min. Symja deretter 100 meter på rygg og ta seg opp på land.»

Hval – Dykke: Å kunna dykka kroppen under vatn og orientera seg der, og kontrollera pustinga. Læringsmål: hopp frå bassengkanten – dykk – orienter deg under vatn – hent gjenstandar til overflata.

Skilpadde – Flyte: Å oppleva oppdrifta i vatnet. Læringsmål: flyta som ei pil på magen og på ryggen, med armane strekte fram, i minst 15 sekund på kvar side.

Pingvin – Gli: Å flyta i rørsle, under vatn eller i overflata. Læringsmål: hoppa – flyta opp – linjehaldning på magen – crawlbeinspark – dreia over på ryggen – beinspark og pusta.

Selungen – Framdrift: Skapa framdrift med arm- og beinrørsler. Læringsmål: stupa uti på djupt vatn – symja 12,5 m på magen – skifta retning – stoppa – flyta 30 sekund – symja på ryggen tilbake.

Sel – Crawl og rygg: Symja crawl og rygg finkoordinert, kunna varsla om hjelp (1-1-3), bruka «forlenga arm» og kasta redningsline/livbøye.