Eit samnangermeisterskap med mykje folk på kryss og tvers

Søndagens samnangermeisterskap i orientering hadde ei god ingrediensliste: stor fart, mange deltakarar, kjekt «kaos» og mange velfortente premiar.

Det var stor suksess med SM på Kvamskogen med heile 64 løparar på start. Størstedelen var rett nok ikkje samningar, men det er veldig kjekt at andre vert med når me først arrangerer.

Dag Terje hadde laga eit virrvarr av løyper, 33 i talet inkludert gaflingar, så det var løparar på kryss og tvers på fjellet. Her vart det lettsprunge, men slett ikkje enkel orientering.

I Nybyrjarløypa var det 15 lovande o-løparar som fann alle postane og fekk premie og gratis bollar og saft.

I mellomløypa var stilte Inger Gro opp etter lengre tid skade, og var best av alle damene, berre slegen av ein mann. Av samningane var det Torvald, Trygve og Eirik som kom på pallen.

I langløypa var Ida Johanne einaste dame frå Samnanger, og ho kom i mål nokre sekund etter beste dame etter å ha snubla i myra i innspurten. Dag Terje tilbydde løparar over 60 år å få ei litt kortare løype, og det gjorde spenninga litt større om SM tittelen. Trond sneik seg i mål eit drygt minutt før Per Arne, og Rune kapra bronsemedaljen.

God stemning og mange lovord om arrangementet, så tusen takk til Dag Terje og hjelparane, Helge og Bjarne. Og alle andre som stilte opp.

Alle resultat og tracking: https://eventor.orientering.no/Events/ResultList…