Terminliste 2025

O-sesongen er rett rundt hjørnet, og også i år blir det mange sjansar til å rote seg vekk i Samnanger-skogane!

Som før vert det fri start mellom klokka 18 og 19 på onsdagane, og tre løyper å velje mellom: Nybyrjar, B-mellom og A-lang. Me har også lagt inn tre 3000 meterar – ein før, ein midt i og ein etter sesongen. Dette er meint som uhøgtidlege formsjekkar for dei som vil (og tør!) å konkurrere litt med seg sjølv gjennom sesongen.

Prøve orientering?

O-løp er god (hjerne)trim for folk i alle aldrar, og ein kjekk måte å bli kjent i område utanfor allfarveg. Me har kompass og tidtakarbrikker til utlån, det einaste du treng er sko og kle som tolar å bli skitne og våte. Arrangørane hjelper deg i gong om du er usikker!

Nytt av året er “Turklassen”, der du kan delta i valfri løype utan tidtaking. Dette passar for dei som ikkje har lyst til å hamne på ei resultatliste, men som likevel kan tenke seg ein luftetur i skogen eller litt trening på kart og kompass.

Som tidlegare år får nybyrjarar som deltek på tre eller fleire o-løp ei gratis SIL-trøye.

Me sjåast i skogen!

(For dei som ikkje synest dette er nok, er det mange sjansar til o-løp rett rundt oss også. Sjå meir info i Eventor.no)